【中山美食】天下第一鴿 - 石岐佬中山菜館

唔係成日都可以去旅行，依家去澳門又咁貴，所以有時 weekend 番大陸行下﹑食下野，都係一個唔錯嘅選擇。去中山玩，又點可以唔去「中山風味名店」- 石岐佬中山菜館試下呢﹗石岐佬位於中山康華路，附近無咩野行，但到左夜晚餐廳就會變得人頭湧湧﹗

石岐佬餐廳地方超大，上層有 VIP 房，而下層餐廳中央部份更加有模仿成小艇嘅獨立座位。一入餐廳大門，就會見到一檔檔中山特色小食嘅檔仔，好似去左 D 文化村咁。

即炸大煎堆

師傅將小小一團麵粉，慢慢滾成大過足球嘅煎堆

餐廳左邊有一個海產區，魚池養左各式各樣嘅河鮮海產。

番大陸食野，最緊要衛生

 

石岐佬『天下第一鴿』嘅稱號並唔係浪得虛名。為左保證食品質素，石岐佬自設鴿場，乳鴿每日由鴿場送到餐廳，所有工序嚴格監控。石岐乳鴿製作考究，乳鴿未食就已經聞到好香，皮脆肉嫩，雖然乳鴿唔係好大隻，但肉厚而且超多肉汁。

石岐佬除左乳鴿馳名之外，更有供應各式各樣嘅中山特色美食同小炒，每一款都又美味又抵食﹗每款小菜都只係 RMB30-40 左右﹗

椒鹽蓮藕，而且蓮藕本身帶甜，非常惹味

山水豆腐，豆腐嫩滑而且帶有香濃豆香味

香麻腐皮，新鮮自家製造，，上面撒上芝麻同麻油，不含色素，非常天然。腐皮嫩滑，麻香充斥住整個口腔

煎焗大魚，魚經過煎焗j都唔會好散，證明左魚相當新鮮，魚肉爽嫩。

新鮮出爐菠蘿飽，菠蘿餡有鮮菠蘿蓉同奶黃，新鮮熱辣﹗

雪影豆沙，即係蛋白版高力豆沙，入口感覺好似食棉花糖咁，亦唔會太甜

石岐佬中山菜館

地址：廣東省中山市石岐區康華路 36 號
電話：(86) 0760- 8870 7708