【不漏洞拉之旅】美奈白沙丘 - 小沙漠上感受大自然

差唔多到達白沙丘嘅時候就日出，差少少，未能夠喺白沙丘上欣賞，但係太陽嘅光照射喺湖面都非常靚。

白沙丘其實係一片小沙漠，沙質幼滑，踩落去超級舒服。慢慢行到沙丘頂上面坐低欣賞風景，白沙丘嘅天空特別藍，一望無際，好似畫一樣。白沙丘亦有人租用滑沙板或者四驅車，可以試下由沙丘頂衝落嚟嘅感覺。亦有人喺度影結婚相添﹗

白沙丘離美奈市中心大約廿幾公里，車程要差唔多半個鐘，但白沙丘嘅景色真係非常壯觀。據當地人所講，唔同時間去白沙丘會睇到不一樣嘅顏色。朝頭早日出嘅陽光照喺沙丘上面，沙會係耀眼嘅金色；到左下午時分就係白色；而落完雨嘅白沙丘會係黃色。用心感受一下，就會發現大自然嘅微妙之處﹗