【掃食香港】下初雪了，怎能沒有來自星星的炸雞配啤酒？

來自星星的你紅透半邊天，就連一直覺得韓劇總係喊苦喊忽嘅我都愛上左。辛苦捱過節奏有 D 慢果頭兩集，懸案開始之後真係追到停唔到。亦因為每集最後果幾分鐘而忍唔住又唔下一集嚟睇下…

每次睇到半夜，見到千頌伊食炸雞配啤酒就有想去食炸雞嘅衝動﹗雖然星星上星期已經大結局，而香港齊唔會落雪，但係我同班朋友都非要到炸雞店潮聖不可﹗

經驗之談，星星炸雞大熱，等位嘅人潮多到不得了﹗建議大家平日六點前或者九點半後先去食，人會比較少一D﹗

今次就去左位於尖沙咀柯士甸路嘅 Fairyland﹗7 點鐘去到，門口已經聚集左十幾廿人，即刻衝入去拎位，飛嘅 number 係 21 號，感覺都應該可以接受，好似唔駛等好耐。 點知…一等就等左兩個鐘，到 9 點先可以安排到坐位﹗好彩期間去左隔離街飲杯野，如果企喺度呆等，, 一定唔係肚死就凍死﹗

所有店員都係韓國人，店舖好光猛，不過坐位有 D 迫，有 D 似快餐店嘅感覺﹗喺韓國炸雞店無處不在，大街小巷都有各類型嘅炸雞專賣店，而且係平價食品，嚟到香港果然升價幾倍﹗

點左一個 Set A ( 原味炸雞 + 田園野菜沙律)﹑酸辣炸雞再加上 500cc 啤酒同埋一枝燒酒，埋單七百蚊，份量夠 6 個人食。 本來想試下燒汁味炸雞，可惜已經賣晒﹗

田園野菜沙律分量都幾大，韓國運嚟蔬菜好清甜，加上芝士同黑芝麻醬汁，感覺好清新。 可以中和番食炸雞嘅油膩感覺。

每盤炸雞上面都會有蕃薯片，甜甜地又好香，個人認為好食過炸薯片。

 

主角出場原味炸雞加酸辣炸雞﹗

說真的， 原味炸雞感覺有 D 似 KFC﹗不過炸雞炸得好乾身，外層脆脆嘅，肉好嫩滑，唔會乾曾曾﹗有兩碗醬汁可以點，酸酸辣辣都幾好食﹗不過建議大家 order 醬汁炸雞，會比較特別 D﹗酸辣炸雞味道有 D 似甜酸排骨，沾滿醬料，非常惹味﹗

除此之外，附送嘅酸蘿蔔好爽脆，可以中和下 D 油膩嘅感覺。

Fairyland 提供幾款不同嘅真露燒酒，愛燒酒嘅朋友不彷點番枝嚟飲下，仲有千頌伊推薦嘅口味﹗

 

Fairyland 

地址：尖沙咀柯士甸路28地舖 

電話：2556 0906

營業時間：星期一至日 15:00-04:00