【台北】猴硐戀戀「貓」情

台北都有一個貓村﹗猴硐喺瑞芳鎮係﹗原本只係一個沒落嘅小村落，但就因為猴硐到處都可以搵到貓嘅足跡，就變得超越來越熱鬧﹗愛貓人士一定唔可以錯過﹗

要到猴硐其實非常方便，只要喺台北車站搭區間車到猴硐，大約一個鐘頭就到﹗
(可以先到台灣鐵路局網頁查閱時刻表)

落火車之後，只要沿車站指示走上方天橋，即可抵達猴硐貓村，一行入貓村，就會有不少貓咪嚟迎接你。亦因為貓咪已經習慣左好多人來來往往，所以你喺村入面嘅屋頂或轉角都可以隨便發現貓咪慵懶嘅身影。準備好同唔怕人嘅貓咪嚟個近距離接觸吧﹗

 一直於貓村向上行，不彷去 217 咖啡館休息一下，歎番杯咖啡。

217 咖啡館收養左幾隻貓咪，而且如村內有貓咪受傷， 217 咖啡館都會聯絡醫生為佢地治療同埋照顧佢地。

P.S. 217 咖啡館星期二休息

 
建議朝早 9 點倒出發，逗留到中午時份，就可以搭番小火車到菁桐﹑九份﹑十份等旅遊點遊覽。

當日我就先遊猴硐，再到菁桐，之後去左十份放天燈，最後回到瑞芳車站外面坐基隆客運到基隆夜市。(只要預早睇清楚時刻表每個景點大概要離開嘅時間就可以輕鬆編排行程。)