【澳門】地道中國北方菜 - 滿堂彩

每次去澳門玩，都會安排去位於澳門君悅酒店的滿堂彩食下地道中國北方菜。

滿堂彩近門口嘅位置有一整排茶罐裝飾，提供不同種類嘅茶葉選擇。

滿堂彩裝修係採用左傳統中式風格，而且檯唔會放得好密，空間感十足，傾計一流。另一個特別嘅地方係餐廳設計左四個開放式廚房，包括北方特色手拉麵區、烤鴨區、甜點區同埋明爐小炒區，可以一路欣賞師傅手藝，一路歎美食。

以酒店餐飲嘅價錢嚟講，滿堂彩並唔算貴，烤鴨價錢係 MOP$268 半隻 ，詳細 Menu 可以參考以下網頁：

• Food Menu
• Drink Menu

果木烤鴨係滿堂彩嘅招牌菜﹗因為製作烤鴨需時四十五分鐘，所以如果要食烤鴨建議預先打電話去訂檯同埋預訂烤鴨，並且約好烤鴨上桌嘅時間。

滿堂彩按北京長安壹號烤鴨的方法，以紅磚砌成火爐，再以棗木高溫烘烤鴨，鴨身就會帶有棗木香味，係非常正宗嘅北京烤鴨做法。

師傅炮製烤鴨過程令人歎為觀止

以棗木高溫烘烤鴨

烤鴨會依照預約上桌嘅時間做好，而師傅就會將烤鴨送過來，再喺客人面前片鴨皮同鴨肉。

師傅技術了得，好快就將烤鴨不同部份分開，片開左皮帶肉、皮、肉三個 part。

滿堂彩亦有提供左秘製烤鴨醬料、大蔥、青瓜、蒜泥同埋砂糖用嚟配烤鴨食。

滿堂彩嘅烤鴨有三種食法。第一係烤鴨，可以點砂糖食，外皮非常酥脆，鴨香充斥住成個口香。第二種食法係烤鴨皮連肉，乾爽酥脆嘅外皮加上肉汁豐富嘅鴨肉，而 且用嚟包烤鴨食嘅面皮非常薄身，唔會好韌，咬落去絕對唔會有一口麵粉嘅感覺，再夾上青瓜、大蔥同醬料一齊食，味道和口感都非常豐富。最後係鴨肉，點上秘製 烤鴨醬料同蒜泥一齊食，味道好香濃，鴨肉鮮味亦得以提升，真係好好食﹗

除左烤鴨之外，滿堂彩嘅其他菜式都非常美味，而且口味同煮法都好地道。以下係我試過並且推薦嘅美食﹗

乾辣椒炒土豆絲 MOP$72

京蔥醬爆牛柳 MOP$120

陝西瀂肉夾饃 MOP$40

家常肉碎椰菜絲 MOP$85

滿堂彩唔單止坐得舒服，加上地道又惹味嘅北京傳統菜式，叫番杯紅酒，靜靜地同朋友傾下計真係一流﹗唯一一點係唔知點解滿堂彩經常播嘅 background music 都係一 D 廣東流行曲，總覺得格格不入。

滿堂彩

地址：澳門君悅酒店一樓
電話： +853 8868 1234 
營業時間：11:30 -00:00