【台北】貓奴天堂 - 師大夜市極簡咖啡

師大夜市極簡咖啡

極簡咖啡藏身師大夜市內嘅一條小巷，係一間收留左接近 20 隻流浪貓嘅 Cafe。 極簡咖啡絕對係貓奴天堂，愛貓者嘅聖地。只要走進極簡咖啡大門，你就會見到貓咪無處不在﹗

 

極簡咖啡店內嘅擺設溫馨﹑燈光柔和，給人一種心情好舒緩嘅感覺。極簡咖啡提供輕食﹑咖啡﹑水果茶等得餐飲。當日就點左咖啡同水果茶，飲料大概都係 NT100-150 倒嘅價錢，極簡咖啡亦有提供包飲品嘅套餐。餐飲方面就不多作介紹，因為對我嚟講，去極簡咖啡嘅重點還是落於探訪可愛嘅貓咪身上。店內嘅貓咪都會周圍走來走去，只要一推開大門，就會發現貓咪正等待迎接你﹗

極簡咖啡嘅貓咪每隻都有唔同嘅性格，有 D 好鐘意親近人，愛撒嬌、有 D 比較怕羞、有 D 比較神經質，有 D 亦因為以前係流浪貓又受過傷害，所以特別怕人。只要慢慢靠近佢們，先俾佢聞下你的味道，獲得佢地嘅信任，佢地就自然會主動靠近你，千祈唔好強抱貓咪，影相 亦都唔好用閃光燈，以免影響貓咪眼仔﹗

門一開，已經見到貓咪等待迎接

流水座變成貓嘅飲水器

慢慢走進極簡咖啡店內，貓蹤影隨處可見

有 D 躲懶嘅貓咪會喺梳化上訓覺，
大家可以選有貓咪喺度訓覺嘅位置坐，只要唔嘈醒貓咪，貓咪一般都好樂意任你摸

貓咪特別鐘意毛毛衫，當日就睇中左我地件褸，跳到我身上睡覺

有 D 貓咪特別親近人，甚至會直接撲到你身要你抱著睡

 

咁得意，真係唔捨得走

極簡咖啡絕對係愛貓人士嘅好去處，店內亦有提供免費 WIFI，行師大夜市行到攰，不彷去極簡咖啡休息一下。貓咪會喺店內任何一個角落出現，隨時都可以捕捉到佢地訓喺咖啡機、地下、吧檯等嘅躲懶樣，相當可愛﹗

極簡咖啡館 

地址：台北市泰順街 2 巷 42 號 

電話：(02) 2362-9734  

營業時間：12:00-02:00