【不漏洞拉之旅】- 美奈仙女溪的人間仙境

美奈嘅 Fairy Steam，有人佢做仙女溪，亦有人叫流沙河，係一個絕對唔可以錯過嘅景點，望住翠綠嘅樹林同埋赤紅色嘅峽谷只係一條小溪之隔，感覺真係非常震撼。

仙女溪停車入口旁邊有一間魚露工廠，走過已經會聞到一股獨特嘅魚露味﹗

因為要喺溪流間涉水而行，所以去仙女溪一定要著拖鞋短褲。

沿路再行入去，會經過一段窄巷，差唔多到小溪嘅時候，就會有一D村入面嘅小朋友走過嚟同你要錢，話幫你 keep 住對鞋同帶路，只要 say no 就可以﹗除非你打算俾錢佢帶路，如果唔係盡量唔好同佢地傾計，否則佢地會一直跟住你。

 

再過多幾級樓梯，就會到兩旁都係大樹嘅溪間。仙女溪嘅水好淺好乾淨，而沙就好幼，赤腳喺小溪到行，沙不停咁流過趾間，溪水好冰涼，好舒服。仙女溪岸邊生有好多四葉草同長滿植物，沿途更加會見到奶白色嘅岩石﹗

喺入口附近，沿路行會見到一個長長嘅沙丘，千祈唔好錯過，一定要爬上去，咁就可以眺望谷溪。仙女溪色彩鮮明，,天亦都特別藍，形成強烈對比，翠綠嘅樹林同埋赤紅色嘅峽谷只係一條小溪之隔，好似仙境一樣﹗