【不漏洞拉之旅】美奈漁港 - 完全不一樣的生活體驗

唔好以為漁港就一定有大規模嘅魚市場或者有魚生壽司食，美奈漁港係一個最原始簡樸嘅魚市交易市場，美奈漁港無任何建築物，漁民交易嘅地方就係長長嘅沙灘，亦唔會有拍賣，係一種與都市生活 100% 不一樣嘅體驗。

朝早嘅美奈漁港非常熱鬧，每日清晨 5﹑6點左右，漁民就會紛紛由外海返到漁港，將魚獲搬上沙灘，而附近嘅居民或者餐廳就會嚟到批發採購，睇岩想買就出價。所有魚獲都會攤晒喺沙灘上面，所以小整個漁港都會瀰漫住一股腥腥地嘅鹹海味。

漁民戴著越南特色竹笠，有D更會著住傳統服飾，忙碌地將魚獲搬來搬去或者分類。而漁民大多已經習慣左遊客拍照，大多都唔會抗拒鏡頭，反而會對住你微笑打招呼，漁港內人情味極濃﹗

而喺海邊，你會發現停泊左好多大大個嘅「豬蘿」，其實呢 D 係由竹逢織而成嘅竹船，底部會塗上一層柏油，就可以落水，可以承受 5-6 個人嘅重量，主要係用嚟將漁船上嘅魚獲接駁到岸上面。