【日本】蓋印章以外的另類集郵 坑渠蓋亦能收藏回憶

好多朋友去日本都會特別買本靚靚簿仔，於各大車站閘門附近﹑觀光景點、案內所蓋印章集郵，但除左蓋印章之外，千祈唔好忘記低頭望一望地上嘅坑渠蓋﹗

自1985年起， 日本嘅市政局就可以自行設計坑渠蓋，更邀請左好多唔同嘅 designer 合作，日本各地各縣各市嘅坑渠蓋都會有因應當地具代表性嘅特徵去設計坑渠蓋，不同嘅特色圖案設計，為俾人印象又污糟又臭嘅坑渠蓋增添左獨特個性﹗日本人更成立左一個日本坑渠蓋學會「日本マンホール蓋学会」去紀錄各個坑渠蓋嘅圖案同地點，2014 年收集紀錄已經破 15,000 個。

下次去日本，請放慢腳步，千祈唔好錯過日本各地坑渠蓋嘅用心設計，拍低各城市縣村嘅坑渠蓋，好好收藏回憶吧﹗