【日本】高性價比廉航 HK EXPRESS 初體驗

香港航空一直都好多劣評，網上訂票後無 record﹑突然 cancel 航班﹑航班延誤時間極長等問題都好容易可以喺 forum 上面搵到，因此之前對香港航空印象都好差。直至半年前首次乘坐香港航空到 Bangkok，就開始對呢間 airline 改觀﹗無 delay 之餘，機上服務亦都好好，坐位更有提供三腳插頭充電。幾個月前，香港航空廉航版HK EXPRESS 加開新航點，更推出開航特賣，開售時即刻去搶到張名古屋來回機票，來回連稅只需八百幾蚊，抵到爛﹗

當日喺 HK EXPRESS 買機票過程順利，完成付款後大約 15 分鐘就收到 confirmation email﹗等左三個月，終於出發，抱住零期望下出發﹐卻得到到喜出望外嘅體驗。由步入機場 HK EXPRESS 櫃檯 check-in到上機，各 HK EXPRESS 嘅 staff 服務都好好，又 nice 又 helpful﹗航班準時登機同起飛，並無出現任何 delay 嘅情況。坐位與一般廉航一樣細，但試諗下機票一千蚊唔洗就去到日本，航機整潔﹑空中服務員服務態度好﹑無 delay，你仲想要求 D 咩﹖

HK EXPRESS 一歲生日，每晚凌晨 12 點都會推出一蚊機票，我自己入去 search 過幾日，每次都可以成功去到付款頁。如果大家同我以前一樣，對呢間 airline 印象好差，不妨用幾舊水俾次機會 HK EXPRESS，搭過之後希望你會同我一樣，覺得『抵到爛』﹗