【日本】名古屋祭 - 感受日本傳統文化

日本每個縣經常都有大大小小嘅祭典，今次去名古屋，剛巧遇上於每年 10 月中舉行嘅名古屋祭，由朝玩到晚，大街小巷都非常熱鬧，又可以感受日本傳統文化，不枉此行！

名古屋祭有多個會場，當中最吸引人嘅必定係由織田信長、豐臣秀吉及德川家康率領幾百人嘅遊行﹗遊行隊伍由名古屋駅經由廣小路通一直行，非常震撼﹗另外，名古屋祭期間，名古屋城同名古屋市科學館等更可以免費入場。

 

除此之外，一年三日嘅名古屋祭更於多個地方設置會場，而重點必定係久屋大通公園至名古屋電視塔一帶。吃喝玩樂﹑舞蹈表演、演唱會﹒﹒﹒節目非常豐富﹗會場更設有唔同嘅屋台，賣各式各樣嘅日式美食。

另外，名古屋電視塔下更會有一個叫 Social Market 嘅市集，售賣唔同嘅手作產品，亦有各國美食區。公園環境咁靚，隨便買 D 野食坐低享受一下，絕對係賞心樂事﹗

名古屋祭真係可以由朝玩到晚，到左夜晚，名城公園附近會有宵の山車揃遊行，車隊會掛滿燈籠，加上車上嘅奏樂，成條街都變得非常熱鬧﹗

官方網頁：http://www.nagoya-festival.jp/