編排行程嘅時候，友人已經被奈良鹿足跡處處吸引得瘋狂，可以話係未出發先興奮﹗由大阪出發到奈良，交通非常方便﹗自駕的話，車程只需 30 分鐘，而奈良公園附近亦有好多停車場，提供日泊服務。如果搭車的話，建議搭乘近鉄奈良線，因為JR奈良站同奈良公園以及附近景點距離會比較遠。由近鉄難波站出發到近鉄奈良站，急行只係需要 38 分鐘。
而由於奈良各景點都有少少步行距離，唔想行的話，可以考慮購買奈良觀光巴士1日券，每張只需 ¥500，巴士會經過各大景點 (奈良公園、東大寺、春日大社、興福寺等)。奈良觀光巴士亦都好易認，只要見到印住鹿標誌嘅巴士就可以跳上車。
其實真係唔需要多介紹，只要去到奈良公園附近，就會開始會發現小鹿無處不在﹗奈良鹿一 D 都唔怕羞，而且非常主動。當日到訪奈良嘅時候雖然天氣唔好，仲落雨添，真係好可惜。不過小鹿亦無躲起來，依然非常熱情地。
從奈良公園慢慢走到東大寺、春日大社嘅時候，你會發現旁邊有唔少攤檔都可以買到鹿餅，¥150 就有十塊，不妨買嚟餵下鹿，同佢地有更親近嘅接觸。溫馨提示，當小鹿發現你身上有鹿餅之後，就會開始有一隻又一隻小鹿跟著你，更加有可能會咬你件衫同袋，要你俾野佢食，非常有趣。
慢慢行到東大寺，小鹿亦愈來愈多。想食餅乾嘅小鹿會一直鞠躬點頭，好有禮貌，非常可愛。
其實天氣好的話，奈良絕對係散步嘅好地方，由奈良公園出發，慢步至各神社，唔只有小鹿陪你，周圍綠葉成蔭，非常舒服﹗而遇岩紅葉季節的話，風景更靚，會被紅葉所包圍﹗
Posts
No comments:
Post a Comment