【沙巴】馳名的咖央多 - 富源茶餐室

相信如果你上網 search 沙巴美食，富源茶餐室嘅名一定會不停出現﹗今次住嘅酒店 Hotel Sixty3 就喺富源加雅街店斜對面，所以落機 check-in 好就即刻衝過去歎番個下午茶﹗

富源由朝到晚都好好生意，經常都坐滿人客，而且食物選擇非常多，馬來小食﹑中式點心﹑麵包、拉茶咩都有﹗可以選擇自助式取餐後到櫃台結帳又或者直接喺櫃台點野食﹗

 

去到櫃台你可以搵到中文 menu，咖央多同飲品都係喺櫃台直接叫嘅，但係收銀員唔係好識講中﹑英文，所以溝通有一定難道。不過指手劃腳就可以成功落好 order﹗ 俾完錢，店員會俾張單你，上面會有 number，見到自己個單 number ready 就可以過去拎﹗

富源嘅咖央多可以揀白麵包或者麥包，亦可以揀要唔要烤過嘅包﹗富源嘅牛油咖央醬 (Butter & Kaya) 咁出名，一定要試下﹗一份咖央多會有兩件，每份亦只係 RM1.4，幾蚊港幣就有交易﹗

點左三份牛油咖央多，烤過嘅麵包略脆，而麵包入面就夾住一層厚厚嘅牛油同埋秘製咖央醬﹗咖央醬甜度適中，加上牛油嘅香味，非常味美。

另外，亦喺自助式取餐區點左炒麵加煎蛋﹗用甜豉油炒河粉，而且一 D 都唔覺得油膩，配合煎香左嘅雞蛋一齊食，非常完美嘅配搭﹗

去馬來西亞又點可以唔飲番杯凍啡 (Kopi Ping) 同凍拉茶(Tarik) 呀﹗Tarik 好有風味，奶味唔會過重香濃，茶味香濃﹗另外，富源嘅桔子冰 (Kit Chai) 加上左檸檬，酸甜度適中，酸酸甜甜，飲完之前感覺好 refreshing﹗

富源茶餐室

地址：69 Jalan Gaya Kota Kinabalu, Sabah, Malaysia
營業時間：9:00 -22:00

沙巴行程總覽：【沙巴】2014 五天沙巴陽光與海灘之旅