平日返工做到有氣無得抖，所以 weekend 放假特別鐘意去 D 較少人嘅地方，上星期六就入左西貢搵食，泊好車，經過勝記海鮮，發現海旁小街新開左間嘅小 cafe - Five Company Coffee。
Five Company Coffee 置身於海傍街上，門外放左單車同田園風格擺設，就好似一間別有風味嘅小屋一樣。店內裝潢簡約自然，木造嘅桌椅配上木窗框，加上店內擺放嘅植物，增添左不少置身田園嘅感覺。
Five Company Coffee 置身於海傍街上，門外放左單車同田園風格擺設，就好似一間別有風味嘅小屋一樣。店內裝潢簡約自然，木造嘅桌椅配上木窗框，加上店內擺放嘅植物，增添左不少置身田園嘅感覺。
Five Coffee Company 除左供應咖啡、果汁同啤酒等飲品之外，亦有提供輕食如熱狗、多士等。
店主製作非常認真，當一杯熱騰騰，附上拉花嘅咖啡上桌時，感覺就好似為周末來個好開始一樣，心情大好。
食物方面，更加大有水準。熱狗選擇非常多，有多款唔同嘅腸可以選擇之餘，更加可以另加不同嘅 toppings，非常味美。但自家製蟹肉餅係必定要推薦的。
落單後，見店主細心地將蟹肉餅煎香，香氣四溢。蟹肉餅外層香脆，煎得好乾身而不油膩。蟹肉餅亦相當足料，切開後發現餅內充滿住蟹肉絲，蟹香濃郁。配上清甜帶微酸嘅柚子汁，柚子汁可以提升蟹嘅味道之外，更令整體口味變得清爽。
Five Coffee Company
地址：西貢海傍街3號電話：2613 1010
Posts
No comments:
Post a Comment