【澳門】過大海，未去賭場前先去『贏到粥』滾滾下

去過澳門咁多次，每次都希望可以搵到 D 新野食﹗前排聽聞有間火鍋店深受澳門人追捧，經常爆滿，又點可以唔試下呀﹗

贏到粥位於媽閣廟附近，隱身於豐順新邨小巷﹗一個唔留神，真係隨時會行過左﹗

贏到粥以提供廣東順德菜色火鍋為主，當中有幾大招牌包括：冬瓜粥底火鍋﹑順德大盤魚﹑火焰鵝等等﹗而今次食嘅卜卜蜆係贏到粥一大招牌菜，愛蒜者必試﹗
 
一大鍋卜卜蜆足夠兩個人食，只係 MOP138，可另外再加點火鍋料﹗卜卜蜆以大量蒜蓉和蜆，再加入蔥、辣椒同清湯打造的鍋底﹗

 一滾起，蜆就會逐一打開，接二連工發出「卜卜」聲﹗蜆肉非常鮮甜，再加上蒜香味，真係會令人想食完一隻又一隻，食唔停口﹗

鍋底有咁多蜆，相信湯頭有幾咁鮮味已經唔需要再多加介紹﹗極力推薦加點配料勝瓜同埋粉絲，可以吸盡湯汁的鮮美滋味﹗

食完『贏到粥』去賭錢會唔會贏到足可能係一個迷，不過肯定你去完之後一定好滿足，捧著個肚走﹗

贏到粥

地址：澳門媽閣河邊新街豐順新邨第三座地下
電話：+853 2896 7899
營業時間：晚上 6 時 - 凌晨 2 時

【掃食香港】觀塘工廈隱秘潮聖地 - oldish

每次出觀塘搵食都有新野試﹗oldish 可以話係上環熱門 cafe 之一，最近進駐觀塘工廈，地方大到不得了，加上高樓底，店內空間感十足﹗Growth Ring & Supply 木製傢俱﹑Alternative Country 皮革產品，工業風格裝潢，oldish 集 Cafe + Fashion + 皮革工房於一身！

oldish位於巧明工廠大廈 5 樓，工廈非常舊，由小巷進入電梯大堂，連 lift 都係最舊或要用手關門先開嘅升降機，某程度上真係好配合 oldish 走嘅工業風格﹗一打開大門，就見到左手邊好似時裝店一樣嘅陳設，潮流指數爆登﹗

 店內售賣嘅大部分市衣飾都係手作設計，擺設亂中有序﹗

 Alternative Country 手製皮革產品整齊排列，非常壯觀﹗

最旁邊連皮革工作室都有，相信店內售賣嘅某 D 產品都係喺呢度誕生，唔知遲下會唔會有皮革創作班呢﹗

行下行下，真係以為自己去左 shopping，差 D 唔記得要醫肚﹗言歸正傳… oldish 店內右手邊係 cafe area﹗長長嘅廚房同水吧，可以見到店員好有效率地準備食物﹗

店內有幾張向牆嘅二人檯同埋幾張大檯，水泥牆身﹑木材桌椅加上懷舊擺設，相當有風味。

以厚英文書夾著 menu，set launch 大約一百蚊倒，包餐湯同飲品﹗

舊式漱口做凍飲杯，上面清楚印著 oldish 嘅 logo，夠晒 vintage﹗

All day breakfast 係 oldish 嘅招牌菜， 有腸、煙肉、焗豆、多士、煎蛋、炒磨菇、薯餅等等，份量好大。

另外點左泰式醬汁豬肋骨，醬汁酸酸辣辣好醒胃，可惜豬肋骨太乾﹗

oldish 環境一流，坐得幾舒服，咖啡亦都唔錯，但喺食物方面真係有改進嘅空間﹗得閒去 oldish 飲杯野，睇下書，扮下潮人都唔錯﹗

Oldish

地址：觀塘巧明街99號巧明工廠大廈5樓AB座
電話：3462 3288
營業時間：10am-6pm

【掃食香港】觀塘工廈感受台灣人的那些年 - 小時光 scoool

潮流興懷舊，小時光 scoool 位於觀塘工廈，以台灣國小為設計主題，店內佈置就同學校一樣，可以感受下「那些年」之外，更絕對可以滿足到大家相機先食的慾望。

打開小時光 scoool的大門，就好似入左學校課室一樣，檯櫈擺設都係老闆從台灣不同地方的學校運嚟香港﹗

店内書櫃﹑窗台，周圍都放滿舊漫畫，就連書檯櫃桶都有，實在令人回想起自己讀書嘅時候成日上堂在櫃桶偷睇漫畫雜誌嘅時光﹗值得一提嘅係小時光 scoool 沒有用餐時間限制，有時間去睇下書，飲杯野，實在寫意﹗

小時光 scoool 提供台式小食﹑便檔和飲品為主，紅燒牛肉麵﹑炸花枝丸、鹽酥雞、魯肉飯一應俱全，套餐價錢大約 $50-$60，非常經濟實惠﹗

紅燒牛肉麵湯底濃郁，辣椒油香中帶微辣一定唔可以錯過 (在 counter 可以自己拎)﹗

台式三杯雞飯，雖然雞唔夠滑，但味道算唔錯。

果茶以實驗室beaker做杯，果味天然，味道清香﹗

小時光 scoool 由火炭伙食工業 Fooody 老闆所開設，老闆可以話係古董收集發燒友，小時光 scoool 內所有擺設都非常有心思。Selfie﹑影相位周圍都係﹗

小時光 scoool

地址：觀塘興業街18號美興工業大廈A座1樓C室
電話：3188 2380
營業時間：12:00pm - 9:30pm (Tue - Sun)
Facebook 專頁：小時光 scoool